---

📌 ክፍል 2፡ ወርክሾፖች የማዘመን፣ የማሽኖች አቅርቦት እና የታሪካዊው የ ISO ጥራት እውቅና ስኬት

ምርታማነት ማሻሻያ የልህቀት ማዕከል የ2018 በጀት ዓመት የለውጥና የዕድገት ጉዞ
(ክፍል 2)

ከምርታማነት ማሻሻያ የልህቀት ማዕከል የጥናት ምርምርና ተቋማት ልማት ዘርፍ ምክትል ዲን ከአቶ ባዬልኝ ጌትዬ ጋር ያደረግነው ቆይታ በሁለተኛው ክፍል ተቋሙን በዘመናዊ የቴክኖሎጂ ማሽኖች ከመገንባት፣ ወርክሾፖችን ከማደራጀት እና በሀገር አቀፍ ደረጃ ታሪካዊ የሆነ የጥራት እውቅና ከመጎናጸፍ አንጻር የተከናወነ ድልን ይዘን ቀርበናል ፡-

🛠 ተዘግቶ የቆየን ወርክሾፖችን መልሶ ማደራጀትና ማዘመን
ማዕከሉ በበጀት ዓመቱ ወርክሾፖችን ውጤታማ በሆነ መልኩ መልሶ ከማደራጀት አንጻር ትልቅ ስራ ሰርቷል። ለረጅም ዓመታት አገልግሎት ሳይሰጥ ተዘግቶ የነበረውን የሌዘር ፕሮሰሲንግ ወርክሾፕ፣ ካለፈው ዓመት ጀምሮ በማሻሻልና በታዋቂው የ"ካይዘን" (Kaizen) ፍልስፍና በጥሩ ሁኔታ በማደራጀት በ786 ካሬ ሜትር ላይ ያረፈ ወደ ትልቅ የፋብሪኬሽን ወርክሾፕነት (Fabrication Workshop) እንዲቀየር ተደርጓል። በአሁኑ ወቅትም ወርክሾፑ ሙሉ በሙሉ ወደ ስራ በመግባት ለአሰልጣኞችና ሰልጣኞች ከፍተኛ አገልግሎት እየሰጠ ይገኛል።

⚙️ የአዳዲስ ዘመናዊ የቴክኖሎጂ ማሽኖች አቅርቦት
የሥልጠና ክፍሎችን በማሽኖች የመገንባት ስራ በበጀት ዓመቱ በትኩረት የተሰራበት ጉዳይ ነው። "የዞኒንግና ዲፈረንሼሽን" (Zoning and Differentiation) እሳቤን በመከተል፣ የሥልጠና ክፍል ከተዘጋባቸው የተለያዩ ኮሌጆች በሥራና ክህሎት ቢሮ ልዩ ድጋፍ ሰጪነት ከ50 በላይ ልዩ ልዩ ማሽኖች ወደ ማዕከሉ እንዲገቡ ተደርጓል። እነዚህ ማሽኖች ለጋርመንትና ሌዘር፣ ለአውቶሞቲቭ፣ ለዌልዲንግ እንዲሁም ለኮንስትራክሽን ወርክሾፖች የተከፋፈሉ በመሆናቸው የስልጠና አቅሙን በእጅጉ አሳድገውታል።
በተጨማሪም በማዕከሉ የውስጥ አቅም የፈርኒቸር ወርክሾፑን ይበልጥ ዘመናዊና ጠንካራ አድርጎ ለማደራጀት የዘመኑን ቴክኖሎጂ የዋጁ አዳዲስ ማሽኖች ተገዝተዋል። ለአሰልጣኞች ተግባራዊ ስልጠና እንዲሁም ለምርት ጥራትና ቅልጥፍና ከፍተኛ ጠቀሜታ ያላቸው የCNC, Edge binding, Multi Drill, እና Horizontal hacksaw ማሽኖች ተገዝተው በአሁኑ ወቅት በሙሉ አቅማቸው በስራ ላይ እንደሚገኙ አቶ ባየልኝ ጠቁመዋል።

🏅 ታሪካዊ ሀገር አቀፍ ድል፦ የ ISO 21001:2025 ዓለም አቀፍ የጥራት እውቅና
በበጀት ዓመቱ ትኩረት ተደርጎባቸው ከተሰሩ ስራዎች መካከል ማዕከሉ ያስመዘገበው በሀገራችን የትምህርትና ሥልጠና ጥራትን ወደ ላቀ ደረጃ ለማሸጋገር በሚደረገው ጥረት ውስጥ፣ የምርታማነት ማሻሻያ የልህቀት ማዕከል በሀገር አቀፍ ደረጃ የመጀመሪያውን የ ISO 21001:2025 (Educational Organization Management System – EOMS) ዓለም አቀፍ እውቅና በማግኘት የመጀመሪያውና ቀዳሚው ተቋም መሆን ችሏል።

ተቋማዊ አሰራርን በካይዘን ፍልስፍና ማሻሻል ከዚህ ታላቅ የ ISO እውቅና ጎን ለጎን፣ ተቋማዊ አሰራርንና ምርታማነትን ይበልጥ ለማቀላጠፍ ከኢትዮጵያ ካይዘን ኢንስቲትዩት ጋር በቅርበት በመስራት፣ ማዕከሉን በካይዘን ፍልስፍና የማደራጀትና አጠቃላይ የሥራ ፍሰቶችንና አሰራሮችን የማሻሻል ተግባር በስኬት ተከናውኗል ያሉት አቶ ባዬልኝ ይህንን ታላቅ ድል ሲገልጹ፣ "ይህ ስኬት የመጣው መላው የማዕከሉ ሰራተኞችና አመራሮች በጋራና በቁርጠኝነት ባደረጉት ከፍተኛ የርብርብ ውጤት ነው" በማለት ምስጋናቸውን አቅርበዋል።

ማዕከሉን ከወረቀት ንክኪ ለማላቀቅና የዲጅታላዜሽን  ስራዎች ላይ እየተከናወኑ ያሉ ተግባራትን፣ እንዲሁም በገቢ ራስን ከመቻል ጋር ተያይዞ እየተሰሩ ያሉ ስራዎችን በ3ኛው እና በመጨረሻ ክፍል ይጠብቁን

የልህቀት ማዕከሉ የሶሻል ሚዲያ ፕላት ፎርሞችን በመቀላቀል ቤተሰብ ይሁኑ

Websit ....
https://pice.sims.aatvetb.edu.et/

Telegram Channel …….PICE (https://t.me/pice1962)

YOUTUBE Channel ……. PICE1962
(https://www.youtube.com/@pice1962)

Facebook Channel ………….PICE
(https://m.facebook.com/edu.pice.et/)

TikTok Channel ………Pice_1962
(https://www.tiktok.com/@pice_1962)

.