ጠቅላይ ሚኒስትር ዐቢይ አሕመድ ለአዲሱ የ2019 ዓ.ም የትምህርት ዘመን የመልካም ምኞት መልዕክት አስተላለፉ

---

ጠቅላይ ሚኒስትር ዐቢይ አሕመድ (ዶ/ር) ለአዲሱ የ2019 ዓ.ም የትምህርት ዘመን መበሰርን ተከትሎ ለመላው የሀገሪቱ ተማሪዎች፣ መምህራን እና የትምህርት ባለድርሻ አካላት የመልካም ምኞት መልዕክት አስተላፈዋል።
 
ጠቅላይ ሚኒስትሩ በመልዕክታቸው እንደገለጹት፤ ወጣቱ ትውልድ የኢትዮጵያ ትልቁ ሀብት በመሆኑ እያንዳንዱ ተማሪ አዲሱን የትምህርት ዘመን በትጋትና በጽናት በመከታተል የሀገሪቱን የወደፊት ዕድል መቅረጽ በሚያስችሉ ክህሎቶች ሊገነባ እንደሚገባ አሳስበዋል።
 
 በአሁኑ ወቅት እየተከናወኑ ያሉ የልማት ሥራዎች የነገውን ትውልድ ታሳቢ ያደረጉ በመሆናቸው፣ የታላቋን ኢትዮጵያ የስልጣኔ ታሪክ ወደፊት ለማስቀጠል የተማሪዎች ቁርጠኝነት ወሳኝ መሆኑንም አብራርተዋል።
 
በተጨማሪም ብቁ እና በራሱ የሚተማመን ትውልድ የመገንባት ጥረት ዋና ምሰሶ መምህራን መሆናቸውን በመጠቆም፤ ተማሪዎችን በማነቃቃትና የነገ ተፎካካሪ የሚያደርጋቸውን ዕውቀትና እሴት የማስታጠቅ አደራቸውን እንዲቀጥሉበት ጥሪ አቅርበዋል።

.